Governor Solon, malipayon sa pagdawat sa mga minilyon nga mga proyekto og mga himan gikan sa Department of Agriculture

31 Jul 2015
786 times

Dako ang kalipay nga gidawat ni Governor Steve Chiongbian Solon kagahapong adlawa, Hwebes, ang mga himan alang sa kaumahan o mga farm machine apil na ang pagdawat sa kasulatan pamatuod nga adunay muabutay nga P200 Million ka pesos gikan sa Department of Agriculture pinaagi sa PRDP o Philippine Rural Development Program alang sa dungag nga pagpasemento sa mga nag-unang mga provincial og farm to market road sa tibuok Sarangani.

Mubalor og minilyon ka pesos ang nadawat sa probinsya sa Sarangani sa mga farm equipment pa lang daan gikan sa Department of Agriculture atol sa pang-apud-apod og mga proyekto sa tibuok Rehiyon Dose kagahapon nga gipahigayon sa dakbayan sa Koronadal kauban sila Agriculture Secretary Proseso Alcala og Regional Director Amalia Datukan. Lauman nga sa musunod nga mga adlaw, i-turn over sa probinsya ngadto sa mga kwalipikadong mga asosasyon sa mga mag-uuma ang mga kagamitan sama sa tractor, corn mill, thresher, floating tiller, transplanter, reaper, corn sheller, cassava granulators, cassava grater, cassava vacuum pack sealer, coffee roaster, coffee grinder, coffee and cacao dryer, power sprayer, flower inducer og daghan pa.

Gidawat usab ni Governor Solon ang mga certificate og mga ceremonial check alang sa mga munisipyo sa Sarangani sama na lang sa P20 Million ka pesos nga fishport project sa Philippine Fisheries Development Authority, Three Hundred Thousand Pesos (P300,000.00) para sa Trust Fund, og mga motorized bangka isip kabahin sa usa ka gatos ka mga munisipyo sa tibuok Pilipinas nga unang nakapa-rehistro sa mga mananagat ngadto sa Bureau of Fisheries and Aquatic Resources o BFAR.

Sa pagdawat ni Governor Solon sa maong mga kagamitan og mga kasulatan, gipamahayag niini nga sulod sa dul-an siyam ka tuig nga pagpangalagad isip official sa Sarangani nagsugod nga siya bise gobernador pa, karon lamang niini nakita ang gidaghanon og bulto sa mga proyekto gikan sa Department of Agriculture nga gibubo sa probinsya sa Sarangani rason nga iya kining dakong gipasalamatan kauban sila Congressman Manny Pacquiao, Vice Governor Jinkee Pacquiao, mga board member, mga municipal mayor og uban pang mga municipal og barangay official.

Isip pagpasalamat sa presensya sa tulo ka gobernador nga nitambong sa maong seremonya nga gilangkuban nila South Cotabato Governor Daisy Avance Funtes, North Cotabato Governor Emmylou Mendoza, og Sarangani Governor Steve Chiongbian Solon, ni-promisa si Secretary Alcala nga apud-apuran ang tulo ka probinsya og tag-pulo kabuok multi-purpose drying pavement kon mga solar drier diin gibana-banaan nga mubalor ang matag usa og tag-Three Hundred Thousand Pesos (P300,000.00).

* Atong paminawon ang magkasunod nga mga pamahayag nila Agriculture Secretary Proceso Alcala og Sarangani Governor Steve Chiongbian Solon: 

Audio:

Sarangani Awards

Legislative Information