Libreng Minor Cyst Operation sa Reach International, nagmalampuson; uban pang serbisyong medikal, gipasalamatan

27 Jul 2015
951 times

Nahimong nagmalampuson ang gipahigayon nga libreng minor cyst surgical operation sa Doctor Cornelio Martinez Senior Memorial Hospital, kanhing Kiamba District Hospital, og sa Barangay Datal Tampal Health Center sa munisipyo sa Malungon niaging semana pinaagi sa Reach International Healthcare Training Incorporated, Sulong Kalusugan program sa Provincial Government sa Sarangani, og sa mga municipal government sa Kiamba og Malungon. Mukabat sa dul-an singkwenta kabuok ang nakapasa sa screening og libre nga na-operahan sa ilang minor cyst sa tibuok Sarangani. Lauman nga adunay libreng major operation apil ang mga thyroid cases nga ipahigayon sa bulan sa Oktubre alang sa mga katawhan sa probinsya sa Sarangani.

Una ng nagpasalamat si Rodelia Gunday, taga-Barangay Datal Tampal, Malungon tungod sa serbisyong medikal og dental nga libre niining nabatunan niaging adlaw nga Hwebes atol sa Lingap sa Barangay program sa Malungon Municipal Government nga gipahigayon sa Barangay Datal Tampal kauban ang Sulong Kalusugan program sa Sarangani Provincial Government, private sector og mga N.G.O. sama na lang sa Dole Stanfilco, Kasilak Foundation og Reach International.

Libuan ka mga residente ang naka-benipisyo sa libreng medikal konsultasyon, dental services, tuli, laboratory test, feeding sa mga kabataan, prenatal sa mga mabdos pinaagi sa Tutok Buntis program sa Sarangani Provincial Health Office, minor cyst operation sa Reach International, libreng tambal, pagpanghatag og mga inidoro subay sa zero-open defecation program ni Vice Governor Jinkee Pacquiao, birth certificate registration sa mga kabataan, Philhealth enrollment, kasalan ng bayan, og immunization sa mga iro, baboy og uban pang mga kahayupan.

Nagpasalamat si Malungon Mayor Bong-Bong Constantino sa suporta sa tanang mga partner organization sa Lingap program, apil na ngadto nila Governor Steve Chiongbian Solon, Congressman Manny og Vice Governor Jinkee Pacquiao, og nanghinaot kini nga magpabilin ang maong mga programa sa kabarangayan.

* Atong dunggon ang magkasunod nga mga pamahayag nila Rodelia Gunday, usa sa mga nakabenipisyo sa Datal Tampal Malungon og Malungon Mayor Bong-Bong Constantino:

Audio:

Sarangani Awards

Legislative Information