Sarangani, adunay libreng cervical cancer vaccination ngadto sa mga kabataan; uban pang mga immunization program gipakusgan

28 Jul 2015
703 times

Malipayon nga gibalita og gipabalo sa mga personahe sa Sarangani Provincial Health Office ilalum sa Sulong Kalusugan program og sa Department of Health ang mga dungag nakahan-ay nga mga aktibidad alang sa hisgutanang panglawas sa mga taga-probinsya sa Sarangani hilabi na ang alang sa mga kabataan.

Kagahapon atol sa flag raising sa kapitolyo sa Sarangani, gibalita ni Razel Bustria, Nurse 4 sa Provincial Health Office, nga bugtong ang probinsya sa Sarangani og ang North Cotabato ang beneficiary sa national school-based vaccination batok sa sakit nga cervical cancer, apil na ang measles, rubella og tetanus diin libreng mabakunahan ang mga Grade 1, Grade 4 og Grade 7 nga mga kabataang magtutungha subay sa selebrasyon karong bulan sa Agosto nga National Adolescent Immunization Month.

Pormal nga ilunsad ang maong programa karong Agosto Tres sulod sa Malandag Gym sa munisipyo sa Malungon, og ipahigayon ang pagbakuna sa matag munisipyo subay sa mga schedule nga ihan-ay sa mga Municipal Health Office og sa Department of Education. Busa giawhag ang mga kabataan pinaagi sa ilang mga ginikanan nga pahimuslan ang maong talagsaon nga immunization program.

Sa dili pa ang Agosto Tres, aduna usab ipahigayon nga deworming day sa tanang mga pampublikong eskwelahan sa tibuok Sarangani alang sa mga kinder, og Grade 1 hangtud na Grade 6 nga mga estudyante. Adunay tumong nga mapurga ang mga bata, ipahigayon kini ugma ng adlawa, Miyerkules, Hulyo 29 sa matag public elementary school sa tibuok probinsya sa Sarangani.

Nag-awhag na lamang ngadto sa mga kabataan si Edna Bastareche, ang nutritionist-dietitian sa Sarangani Provincial Health Office, nga apilan og dili sayangan ang maong libreng kahigayunan aron magpabilin nga himsog ang lawas diin una ng handum og gitinguha nila Governor Steve Chiongbian Solon, Congressman Manny Pacquiao og Vice Governor Jinkee Pacquiao nga adunay maayo nga estado sa panglawas ang mga katawhan apil na ang mga kabataan aron dungan nga mukab-ot sa gipangandoy nga kalambuan.

* Atong dunggon ang magkasunod nga mga pamahayag sa mga personahe sa Sarangani Provincial Health Office nila Nurse 4 Razel Bustria og nutritionist-dietitian Edna Bastareche ilalum sa Sulong Kalusugan program: 

Audio:

Sarangani Awards

Legislative Information