Mga katawhan sa Pag-asa, Alabel human nakasinatig diarrhea, malipayon human sa medical mission

29 Jul 2015
854 times

Dako ang pagpasalamat ni Gina Sumali, taga-Barangay Pag-asa Proper sakop sa lungsod sa Alabel, atol sa gipahigayon nga medical mission nga gi-organisa sa ANAC-IP Partylist kauban ang Provincial Government sa Sarangani, Municipal Government sa Alabel og Alabel Municipal Health Office niaging adlaw nga Lunes.

Bag-uhay lamang nakasinati og diarrhea ang mga residente sa Pag-asa mao nga dako na lamang ang ilang pagpasalamat sa libreng mga tambal og medical check up nga gitunol ngadto kanila. Hilit nga barangay ang Pag-asa diin gipuy-an kini kadaghanan sa mga kaigsoonang lumad, og dili ti-aw ang dalan.

Apil nga nagpasalamat si Alabel Vice Mayor Vic Paul Salarda ngadto nila Governor Steve Chiongbian Solon og Congressman Manny Pacquiao tungod sa pagdala sa ANAC-IP Partylist sa probinsya sa Sarangani sa pagpanguna ni Congressman Jose “Bentot” Panganiban Jr. rason nga ubay-ubay nga mga programa ang nabinipisyo sa mga katawhang IP kauban ang Sulong Tribu program. Apil nga nakadawat ang mga kabataan sa Pag-asa Elementary School og mga libreng bag gikan sa Municipal Government sa Alabel. Lauman nga adunay susamang medical mission ang ipahigayon sunod mga adlaw sa layong sityo nga Sitio New Canaan sakop gihapon sa Barangay Pag-asa human nga wala nadayon ang naka-schedule tungod sa kahimtang sa panahon.

Una ng nang-apud-apod og cash assistance ang ANAC-IP Partylist kauban ang Commission on Higher Education og DSWD sa matag graduating IP high school student sa tibuok Sarangani isip ayuda sa pagtungha sa kolehiyo, og aduna usab 500 slots ang gihatag alang sa mga IP college students nga gusto makakuha og tag-upat ka tuig nga kurso.

Segun ni Jovan Sison, Mindanao political officer sa ANAC-IP Partylist og nag-uban uban sa maong mga medical mission nga unang gipahigayon niaging mga adlaw sa Barangay Cross, Glan og sa munisipyo sa Malapatan, padayon matud pa ang ilang pagtabang sa mga kaigsoonang lumad sa tibuok Sarangani. Lauman matud pa ang mga multicab nga iapud-apod sa matag municipal tribal council sa pito ka mga munisipyo, og lauman usab ang IP Resource Center nga tukuron sulod sa kapitolyo sa Sarangani.

* Atong paminawon ang magkasunod nga mga pamahayag nila Gina Sumali, residente sa Barangay Pag-asa Alabel; Alabel Vice Mayor Vic Paul Salarda; og ANAC-IP Partylist Mindanao political officer Jovan Sison:

Audio:

Sarangani Awards

Legislative Information