Most Prepared Provincial Disaster Risk Reduction and Management Council o PDRRMC, subling nasakmit sa probinsya sa Sarangani

01 Aug 2015
934 times

Nahimong mabulukon ang pag-selebrar sa probinsya sa Sarangani sa National Disaster Consciousness Month niaging bulan sa Hulyo human nga gipabalo sa Office of Civil Defense Regional Office 12 nga nasakmit na usab sa probinsya sa Sarangani ang award isip adunay Most Prepared Provincial Disaster Risk Reduction and Management Council o PDRRMC sa tibuok Rehiyon Dose.

Niaging tuig 2014, nadawat sa Sarangani ang susamang pasidungog og subli na usab kining nasakmit karong tuiga taliwala sa upat ka probinsya nga naglangkob sa Rehiyon Dose.

Dako ang pagpasalamat ni Rene Punzalan, ang Provincial Disaster Risk Reduction and Management Officer, sa maong kadaugan. Gipasalamatan niini ang dakong ayuda sa mga local official sa pagpanguna nila Governor Steve Chiongbian Solon, Congressman Manny Pacquiao, Vice Governor Jinkee Pacquiao og mga board member hilabi na ang pagsuporta ngadto sa Sulong Kaligtasan program.

Una ng gipakusgan sa Sulong Kaligtasan program ang pagpangandam sa komunidad aron mamahimong disaster-resilient pinaagi sa pagpahigayon sa mga kabarangayan og mga Community-Based Disaster Risk Reduction and Management Training. Anaa ang pag-mainstream og pagpasulod sa mga programa kabahin sa climate change og environmental protection, sama na lang sa pagpahigayon og resource assessment study sa mga renewable energy resources sa tibuok Sarangani og ang padayon nga pagtuon sa Sarangani Environmental Conservation and Protection Center o ECPC og PENRO para sa pagproteka sa mga kalasangan hilabi na ang mga gideklarang protected landscape og mga priority area for biodiversity conservation. Bag-uhay lamang usab na-aprobahan ang pagmugna og mga regular plantilla position sa PDRRMO, samtang nagpabilin ang programang relokasyon sa mga kabalayan nga nanimuyo sa mga danger zone. Gipakusgan usab ang mga peace and development effort pinaagi sa pagtuyok tibuok Sarangani sa pagpalapnag sa culture of peace and values formation seminar pinaagi sa Haggai for Peace project, og pagmugnag mga community volunteers panahon sa mga katalagman pinaagi sa Integrated Barangay Defense and Development Force o IBDF og ang pagpakusog sa hut-ong sa mga Barangay Health Workers kon BHW sa mga kabarangayan isip mga community partners sa pag-monitor og pag-responde sa mga panginahanglan sa hisgutanang panglawas og sa mga kalamidad.

Gidayeg ng daan ang Sarangani tungod kay aduna kini geo-hazard map nga mutoltol sa mga lugar nga prone sa mga pagbaha, landslide, tsunami og linog. Ubay-ubay na usab nga mga early warning system ang namuntar sama na lang sa automated weather station, river water level monitoring system og automated rain gauge. Makita usab sa Sarangani ang adunay most trained search and rescue team sa tibuok rehiyon hilabi na sa underwater rescue.

Lauman nga sa sunod nga mga adlaw, pormal nga dawaton sa mga official sa Sarangani ang maong regional award samtang gapaningkamot usab kini nga makakuha og national award isip regional entry sa Region 12 sa national level.

* Atong dunggon ang tipik sa pamahayag ni Rene Punzalan, ang Provincial Disaster Risk Reduction and Management Officer sa probinsya sa Sarangani:

Audio:

Sarangani Awards

Legislative Information