Pagsugod sa immunization program sa probinsya sa Sarangani, nagmalampuson

04 Aug 2015
744 times

Pormal nga gisugdan ang province-wide school-based immunization program sa probinsya sa Sarangani kagahapong adlawa sulod sa Malandag Gym lungsod sa Malungon kauban ang libuan ka mga estudyante, magtutudlo og mga school nurses sa tibuok Sarangani sa pagpanguna ni Schools Division Superintendent Isagani Dela Cruz, mga kawani sa Department of Health, og mga municipal og barangay officials gipanguluhan ni Malandag Kapitan Fernando Fantin Sr.

Nahimong palaron ang taga-probinsya sa Sarangani tungod kay bugtong ang probinsya sa Sarangani og North Cotabato ang natagaan og kahigayunan nga matagaan og libreng anti-cervical cancer vaccination ang mga babaeng estudyante sa Grade 4, samtang aduna usab libre nga pag-bakuna ngadto sa mga Grade 1 og Grade 7 batok sa mga sakit nga tipdas, rubella og tetanus diin mukabat sa dul-an 31,000 ka mga kabataang lalaki og babae ang target mabakunahan sa maong mga kategorya.

Nagpasalamat si Dr. Arvin Alejandro, ang Provincial Health Officer sa Sarangani, sa suporta sa maong aktibidad nga mulungtad hangtud Agosto 28 nga pagtuyok sa mga eskwelahan ilalum sa Sulong Kalusugan program nila Governor Steve Chiongbian Solon, Congressman Manny Pacquiao, Vice Governor Jinkee Pacquiao og mga board member, diin tinguha gayud nga mamahimong himsog ang mga kabataan aron himsog usab ang ilang pagdako. Gibutyag ni Dr. Alejandro nga nahimong nagmalampuson ang ilang gipahigayon niaging semana nga deworming o pagpurga sa mga kabataan tibuok Sarangani og walay nadunggang taho sa mga adverse effect tungod kay klaro ang ilang pagpasabot ngadto sa mga bata, ginikanan og magtutudlo.

Nagpasalamat na lamang si Governor Solon sa hugot og makanunayon nga ayuda sa Department of Health ngadto sa probinsya sa Sarangani. Nanghinaot ang gobernador nga makagahin og pondo alang sa mga magtutudlo nga anaa sa priority category nga mabakunahan usab sa anti-cervical cancer tungod kay dakong tabang usab kini ngadto kanila diin kung bayaran kini sa mga pribadong klinika ang mukabat pud og duol Dyes Mil ka pesos matag indibidwal.

* Dia sila Dr. Arvin Alejandro og Sarangani Governor Steve Chiongbian Solon, atong paminawon: 

Audio:

Sarangani Awards

Legislative Information