Project 888 gilunsad sa Sarangani kauban si Dingdong Dantes

10 Aug 2015
724 times

Dili tiaw ang gibatyag ni Frances Julie Dague, estuyante sa Grade 10 sa Alabel National Science High School og taga-Poblacion, Alabel human nga mismong ang sikat nga artista, commissioner sa National Youth Commission og chairman sa YesPinoy Foundation nga si DingDong Dantes ang nibisita sa probinsya sa Sarangani aron ipabalo nga kasamtangan silang namili sa mga kabataang Sarangan nga pwede nilang himuong scholar nga maka-eskwela sa bisan unsang kurso sa bisan asang unibersidad sa tibuok Pilipinas.

Sa gipahigayon nga launching sa Project 888 sa YesPinoy Foundation kauban ang Sulong Karunungan program sa pagpanguna ni Governor Steve Chiongbian Solon kauban sila Congressman Manny Pacquiao, Vice Governor Jinkee Pacquiao og mga board member, sulod sa Sarangani Capitol Gym niaging adlaw nga Sabado, anaa sa tres mil ka mga kabataan og mga magtutudlo ang excited nga nitambong og naminaw sa gipahigayon nga orientation og mga inspiring stories gikan sa mga youth professional nga naka-basi pa sa kauluhang Manila.

Sa pagsubay sa mga qualification sama sa maayo nga grado og adunay maayo nga leadership og communication skill, nanghinaot si Dague nga usa siya nga mapilian aron matuman ang gusto niini nga kurso nga Botany o Biology sa University of the Philippines Los Banos o dili ba kaha sa University of the Philippines Manila.

Nagpasalamat og dako si Governor Solon tungod kay nahiapil ang Sarangani sa walo ka probinsya nga napilian ni Dingdong Dantes kung asa mugikan ang himuon niining mga scholar. Nagpasalamat usab ang aktor sa pakig-partner sa gobernador aron mapalapnag ang ilang programa bisan sa pinakatumoy na sa Pilipinas. Lauman nga palig-unon pa ang partnership sa YesPinoy Foundation og sa Provincial Government sa Sarangani aron mapakusgan pa ang mga programa sa mga kabataan.

Walay duha-duha nga nisabay si Dingdong Dantes sa libuan ka mga kabataan sa pagkanta og pagsayaw sa Sulong Sarangani theme song diin pormal usab nga gi-launch o gipaila atong tungura ngadto sa mga kabataan.

Ang pagkanta og pagsayaw ang nisamot pa kabibo human nga nagpa-kontest sa pinakamaayo nga musayaw diin nahimong mga lead dancer ang mga sikat nga mga mascot sa Sarangani nga susama kadako sa mascot sa usa ka inila nga fast food - si Sara, ang mascot nga Blaan princess, og si Gani, ang mascot nga Muslim warrior.

Ang Sulong Sarangani theme song ang official jingle sa mga programa sa probinsya sa Sarangani diin nagpakita sa handum nga makabaton og makanunayon nga kalinaw og usa ka God-centered nga kalambuan sa tibuok lalawigan.

* Atong paminawon sila Alabel National Science High School Grade 10 student Frances Julie Dague, YesPinoy Foundation chairman Dingdong Dantes, Sarangani Governor Steve Chiongbian Solon, og ang pagpaila sa Sulong Sarangani theme song ngadto sa mga kabataan kauban si Dingdong Dantes og sila Sara og Gani: (Launching2)

Audio:

Sarangani Awards

Legislative Information