Gov. Solon gikalipay ang Health Caravan; Cong. Pacquiao gipasiga ang suga

24 Jun 2015
960 times

Gikalipay ni Sarangani Governor Steve Chiongbian Solon ang nahimong turn out o resulta sa gipahigayon nga Health Caravan niaging adlaw nga Martes sulod sa kapitolyo sa Sarangani nga gi-organisa sa Department of Health Region 12 kauban ang Provincial Government sa Sarangani og mga Municipal Health Office. Niabot og 2,828 ka mga kabus nga mga lumulupyo sa tibuok Sarangani ang naserbisyuhan sa mao nga libre nga medical og health services.

Gipangaliya og gipanghinaot na lamang ni Governor Solon nga sa dili mahuman ang kasamtangang tuig, mapahigayon og madayon ang usa ka dakong free surgical mission o libreng pagpa-opera sa mga taga-Sarangani kauban ang usa ka medical group og ang Department of Health. Una ng naka-schedule karong umaabot nga bulan sa Nobyembre ang ikatulo nga pagbalik sa international foundation nga mao ang Starkey Hearing Foundation aron muapud-apud na usab og minilyon nga kantidad sa mga hearing aid alang sa mga katawhan sa Sarangani nga adunay diperensya sa pandungog. Nanghinaot usab si Governor Solon nga makalingkawas na ang probinsya sa Sarangani sa listahan sa Top 10 sa mga kabus nga mga probinsya sa tibuok Pilipinas basi sa datus niadtong tuig 2012 human sa ipahigayon nga survey sunod tuig 2016 rason nga gimugna ang Sulong Sarangani program niadtong tuig 2013 paglingkod niini isip gobernador.

Sa pikas nga bahin, gi-turn over niaging adlaw nga Lunes sa DPWH ngadto sa probinsya sa Sarangani ang duha ka kilometro nga L.E.D. street light atubangan sa kapitolyo sa Sarangani. Sa pagpaningkamot ni Congressman Manny Pacquiao, nasungkit niini ang pondo sa DPWH National Office og lauman nga susamang mga street light usab ang imuntar sa mga strategic location sa mga munisipyo sa Sarangani. Gipasalig usab sa kongresista nga paninduton pa ang atubangan sa kapitolyo pinaagi sa pagbutang og path walk aron munindot pa isip usa naman ka tourist attraction ang kapitolyo sa Sarangani.

Kahibaluan nga niaging tuig, gitagaan og pagtugot si Governor Solon sa Sangguniang Panlalawigan sa pagpanguna ni Vice Governor Jinkee Pacquiao aron pirmahan ang kasabutan tali sa DPWH alang sa pagmuntar sa mao nga street light diin ang binulan nga kunsumo sa kuryente ang pagabayran sa probinsya.

* Atong dunggon ang magkasunod nga mga pamahayag nila Congressman Manny Pacquiao og Governor Steve Chiongbian Solon:

Audio:

  

Sarangani Awards

Legislative Information