ALABEL, Sarangani (July 6, 2022) – Nipahayag og suporta si Gobernador Rogelio “Ruel” D. Pacquiao sa mga program sa Sarangani Police Provincial Office (SPPO) atol sa gipahigayong courtesy call niini ni SPPO Provincial Director PCOL Nicomedes Olaivar karong adlawa (July 6) sa buhatan sa gobernador.

Gibutyag ni PCOL Olaivar nga nahimong maayo ang ilahang pakighinabi. Matod niya suportahan sa gobernador ang pagmintinar ug pagpalig-on sa mga programang kalabot sa peace and order sa probinsya.

Kahibaluan nga gimando ni Gobernador Pacquiao sa kapulisan ang pagmintina sa kalinaw sa probinsya partikular ang pagpahugot sa seguridad sa mga utlanan niini. Atol sa panagpulong, nahisgutan ang mga posibleng lakang ug solusyon sa kaluag sa seguridad sa mga nasampit nga utlanan. (Ivan Polonan/ CDU-PGO/Ronda Probinsya Sarangani)