ALABEL, Sarangani (July 7, 2022) - Positibong paglantaw ang gipakita ni Sarangani Governor Rogelio "Ruel” D. Pacquiao sa dihang gihisgutan niini ang partnership tali sa Sarangani Energy Corporation (SEC).

Atol kini sa natigayong courtesy call sa maong pribadong kompanya nga gipangunahan ni Alabel Municipal Councilor Joel Aton, isip Stakeholders Management Manager usab sa kompanya, ngadto kay Gov. Ruel Pacquiao sa buhatan niini karong adlawa, Hulyo 7.

Segun ni Aton, tumong sa maong courtesy call mao ang pag-iskedyul og usa ka meeting tali sa mga opisyales sa SEC ug Alcantara Group of Companies aron mahisgutan ang mga nagkadaiyang programa ug proyekto alang sa katawhan sa Sarangani pinaagi sa partnership niini sa bag-ong administrasyon ubos sa pagdumala ni Gov. Pacquiao.

Lakip sa tumong ni Aton aron imbitaron ang gobernador sa mga model areas alang sa reforestation watersheds sa maong kompanya sa Maasim aron makit-an niini ang mga progreso ug masayran kung unsa pay angayang palambuon alang sa kaayuhan sa kinaiyahan. (Ivan B. Polonan - CDU-PGO/Ronda Probinsiya Sarangani)