Thursday, 07 July 2022 20:20

Gov. Ruel gi-inspeksyon ang basketball court sulod sa Capitol gym kauban ang MPBL Commissioner

ALABEL, Sarangani (July 7, 2022) - Malipayong nakigpulong si Governor Rogelio "Ruel" D. Pacquiao kang MPBL Commissioner Kenneth C. Duremdes tunong sa gipahigayong courtesy call sa buhatan sa gobernador karong adlawa, Hulyo 7.

Atol sa pagbisita ni Commissioner Duremdes, gipresenta niini ang mga butang nga angayang ikonsidera alang sa umaabot nga Sarangani Games sa Setyembre 9-10. Usa sa nahisgutan ang safety sa mga magdudula.

Gumikan niini, nidiretso si Gov. Pacquiao kauban si Duremdes sa Capitol gym nga usa sa mamahimong venue sa maong dula.

Personal nga gisusi sa duruha ang basketball court sulod sa maong gymnasium og nakit-ang adunay mga kinahanglang ayuhunon hilabi na ang salog aron mapaniguro ang safety sa mga magdudula.

Samtang gipasalig ni Gobernador Pacquiao nga mapaayo na ang mga kinahanglaang ayuhon aron ma-andam na ang palisidad usa ipahigayon ang Sarangani Games. (Ivan Polonan - CDU-PGO/Ronda Probinsya)

Read 359 times